Posts
කොරෝනා වෛරසය ගැන නියම ඇත්ත මෙන්න...
කොරෝනා කියලා කියන්නෙ වෛරස් පවුලක්. මේ වර්ගයේ වෛරස නිසා සාමාන්‍ය සෙම්ප්‍රතිශ්‍යාවක ඉඳන් ඊට වඩා භයානක රෝග උදා-සාර්ස් (Severe Acute Respiratory Syndrome (SARS) ) වගේ තත්වයන් දක්වා රෝග ඇතිවිය හැකියි.
මේ වර්ගයේ වෛරස බොහෝවිට සැරිසරන්නේ සතු අතර. නමුත් සමහරක් ප්‍රභේද සතුන්ගේ මිනිසාට පැතිරී ඇතිබව වාර්ථා වෙනවා. මේ දිනවල චීනයේ පැතිර පවතින කොරෝනා වෛරස ප්‍රභේදයත් එසේ සතුන්ගෙන් මිනිසාට පැතිර ඇතැයි සැක කෙරෙන අතර එය නම්කර ඇත්තේ novel coronavirus (2019-nCoV) ලෙසටයි. මෙය හඳුනා ගැනෙන්නේ එසේ සතුන්ගෙන් මිනිසාට පැතිර ආ හත්වන කොරෝනා වෛරස ප්‍රභේදය ලෙසයි.
මෙම නව වෛරස් ප්‍රභේදය චීනයේ වුහාන් පලාතේ මුහුදු ආහාර වෙලඳ මද්‍යස්ථානයකින් පැතිරයාම ආර්ම්භ වූ බවට සැක කෙරෙන අතර, මෙම වෙළඳ මධ්‍යස්ථානයේ නීති විරෝධී ලෙසට පණ ඇති සතුන්ද අලෙවි කෙරෙන බවට වාර්ථා පල වී ඇත.
මෙම නව වෛරස් ප්‍රභේදය අධ්‍යයනය කර සොයාගෙන ඇත්තේ මෙය සර්පයන්ගෙන් මිනිසා වෙතට පැතිර යාම සිදු වී ඇති බවයි.
මේ වනවිට මේ නවතම කොරෝනා වෛර්ස ප්‍රභේදය නිසා චීනය තුල පුද්ගලයන් 2744ක් ආසාදනයට ලක්ව ඇති අතර 81ක් මියගොස් ඇත. ඊට අමතරව ඔස්ට්‍රේලියාව, ප්‍රන්ශය, ජපානය, මැලේශියාව, නේපාලය, සින්ගප්පූරුව, දකුණු කොරියාව, තායිවානය, තායිලන්තය, ඇමරිකාව හා වියට්නාමය යන රටවලින් ද රෝගීන් හමු වී ඇත.
අද (2020.1.27) දිනයේදී ලන්කාවේ ද පලමුවන කොරෝනා වෛරස ආසාදිත රෝගියා හමු වී ඇත. ඇය චීන ජාතික කාන්තාවක් වන අතර, සන්චාරයක් නිමවා ආපසු චීනය බලා යාමට ගුවන් තොටුපලට පැමිණි අවස්ථාවේ දී රෝගී වීම නිසා රෝහල් ගතකර ඇත.
මෙම වෛරසය ආසාදිත එක් පුද්ගලයෙකුගෙන් ආසන්න වසයෙන් 5දෙනෙකුට පමණ බෝවීම සිදුවන බව ගණනය කර ඇත.
රෝග ලක්ෂණ
- උණ, කැස්ස හා හුස්ම ගැනීමේ අපහසුතා
- වඩාත් බරපතල තත්ව වලදී නිව්මෝනියාව, සාර්ස්, වකුගඩු අකර්මන්‍ය වීම හා මරණය
රෝග ලක්ෂණ මතුවීම වෛරසය සිරුරට ඇතුළු වී දින 14 කදී පමණ ඇතිවේ. මෙම කාලය තුලදී ද රෝග ලක්ෂණ රහිත උව ද වෛරසය වෙනත් අයට පැතිරී යාම සිදු වේ.
වලකාගැනීම
ලෝක සෞඛ්‍ය සන්විධානයයේ නිර්දේශයන්ට අනුව,
- අත්වල පිරිසිදුභාවය ඉතා වැදගත්ය. ඒ සඳහා සබන් හා ජලයෙන් අත හොඳින් සේදීම කල යුතු වේ.
- කිවිසීමේ දී හෝ/හා කැස්ස ඇති වීමකදී වැලමිටෙන් මුඛය ආවරණය කර ගැනීම
- මස් හා මාළු හොඳින් පිස ආහරයට ගැනීම
