ඔමේගා 3 ගැන නියම ඇත්ත

ඔමේගා 3 කියන්නෙ මේද අම්ලයක්. මේක අනිත් මේද අම්ල වලට වඩා වැදගත් වෙන්නෙ හදවත් රෝග ඇතිවීම වලක්වා ගන්න අපිට උපකාරී වෙන නිසා. ඒ නිසා හදවත් රෝග වලින් පීඩා විඳින අයට වගේම එහෙම නොවෙන අයටත් ඔමෙගා 3 ගොඩාක් වැදගත්. විශේෂයෙන්ම රුධිරගත ට්‍රයිග්ලිසරයිඩ් මට්ටම පාලනය කරන්න මේ මේද අම්ලයට පුලුවන්කම තියෙනවා.

ඔමේගා 3 සප්ලිමෙන්ට්‍රි එකක් විදියට වෙළඳ පොළට එකතුවෙලා තිබුනත් ස්වාභාවික විදියට කොහොමද අපි ඔමේගා 3 සිරුරට එකතු කරගන්නෙ කියල දැනගන්න එකත් හරිම වැදගත්. ඉතින් ඒකට කරන්න තියෙන්නෙ හරිම සරළ දෙයක්. ඒ තමයි අපේ ආහාර වේල් වලට මාළු එකතු කර ගැනීම. මාළු වලින් ඔමේගා 3 වලට අමතරව කැල්සියම්, විටමින් බී, විටමින් ඩී වගේ සංඝටකත් අපට ලබා දෙනවා.

සිරුරේ ට්‍රයිග්ලිසරයිඩ් මට්ටම පාලනය කිරීමට අමතරව දියවැඩියා රෝගය පාලනය කිරීමටත් ඔමේගා 3 උපකාරීවෙනබව නවතම සොයා ගැනීම් වලින් හෙලිවී තිබෙනවා. ඇත්තටම ට්‍රයිග්ලිසරයිඩ් මට්ටම රුධිරයේ ඉහල යාමත් දියවැඩියා රෝගීන් අතර බොහොම සුලභ ප්‍රශ්ණයක්.